جريمة قتل ثانية

مش جريمة عاديه محتاجه تبرير
دى جريمة قتل مش محتاجه تفسير
ضحية إيه وحب مين
دا الكل شاف الواقعه تصوير

نتعاطف مع قاتل ونقول إنسان
أصله كان شاطر وطيب وغلبان
خايف يجى يوم نتعاطف
وندافع عن الشيطان

حتى لو إتعرض لتنمر وإستغلال
يعنى عادى يقتل دا حلال
بتقولوا إيه وتبرروا إيه
دا دم فى وسط الشارع سال

حط نفسك مكان الضحيه
دى كارثه مش حادثه عاديه
لازم الجانى ياخد جزاه
ولكم فى القصاص حياه

الغلط غلط لو عمله كل الناس
والصح صح لو عليه الكل داس
لو هنزرع حق هنحصد الإخلاص
إزاى هنبنى جيل لو مفيش أساس

كلمات الشاعر
أحمد إبراهيم خليل